هاتووچۆی گەشتیاری لەمەرزی نێودەوڵەتی باشماخ ئاسایی بووەتەوە

ئاڤا نیوز 

 

بەڕێوەبەرایەتیی دەروازەی نێودەوڵەتیی باشماخ ڕایگەیاند، کێشەکانی دەروازەی سنووری باشماخ لە دیوی ئێران چارەسەرکراون. 

 

ڕاگەیێنراوی فەرمی: بەڕێوەبەرایەتیی کۆمەڵگەی دەروازەی نێودەوڵەتیی باشماخ دەڵێت: ئاگاداری سەرجەم گەشتیاران دەکەینەوە کە هاتووچۆی گەشتیاریی دەروازەکە ئاساییە و دەستیپێکردووەتەوە و ئەو کێشانەی هەبوون لە دەروازەی سنووری باشماخ دیوی ئێران چارەسەرکراون.

 

زانیاریی زیاتر: لە ئەمڕۆ بەدواوە 16-04-2024 هیچ ڕێگرییەک نەماوە و دەتوانن گەشتەکانتان بکەن. 

 

ئەوەی پێویستە بیزانیت: ڕۆژی دووشەممە بەڕێوەبەرایەتیی کۆمەڵگەی دەروازەی نێودەوڵەتیی باشماخ ڕایگەیاند، بەهۆی پچڕانی هێڵی ئینتەرنێت و سیستمی بەڕێکردنی گەشتیاران لە مەرزی باشماخ، لە دیوی ئێران هاتووچۆی گەشتیاری ڕاگیرابوو.