دوای پاكتاوی دارایی پرسی سێ مووچەی ساڵی ڕابردوو یەکلایی دەبێتەوە

ئاڤا نیوز

 

ئەندامێکی لیژنەی دارایی ئاماژە بەوەدەدات، پرسی سێ مووچەی ساڵی ڕابردوو پەیوەستە بە پرۆسەی پاكتاوی دارایی نێوان عێراق و ھەرێمی کوردستان.

 

وێنە گەورەکە: هەرێمی کوردستان بە فەرمی داوای لە حکومەتی عێراق کردووە ئەو سێ مووچەیەی ساڵی ڕابردووی فەرمانبەران خەرج بکات و یەکلاکردنەوەی ئەو پرسەش، پەیوەستە بە پڕۆسەی هەمواری یاسای بودجە و پاکتاوی دارایی ساڵ.

 

لێدوانی فەرمی: د. خەلیل دۆسکی، ئەندامی لیژنەی دارایی لە ئەنجوومەنی نوێنەرانی عێراق بە ئاڤا نیوزی گوت: "دوای پاکتاوی دارایی ئەگەر هەرێمی کوردستان بە گوێرەی پشکی لە بودجە ئەگەر پارەی بۆ بمێنێتەوە، ئەوا دەبێت بەغدا ئەو سێ مووچەیەی ساڵی ڕابردووی مووچەخۆران خەرج بکات".

 

گۆشەیەکی دیکەی دیمەنەکە: بڕیارە لەم هەفتەیە خشتەی بودجەی ساڵی 2024 لە ئەنجوومەنی وەزیرانەوە ڕەوانەی ئەنجوومەنی نوێنەران بکرێت و دەنگی لەسەر بدرێت.