وەزارەتی دارایی داوای بڕوانامە بێ مۆڵەتەكان دەكات

ئاڤا نیوز

وەزارەتی دارایی حکومەتی هەرێمی کوردستان، داوا لە وەزارەت و فەرمانگە نەبەستراوەکان بە وەزارەتەوە دەکات، پۆلێن و هەڵسەنگاندنی ئەو بڕوانامانەیان بۆ بنێرن کە بێ مۆڵەتی خوێندن بەدەست هاتوون.

نووسراوی فەرمی: بەپێی نووسراوێکی وەزارەتی دارایی كە دەست ئاڤا نیوز کەوتووە و واژۆی ئاوات شێخ جەنابیی وەزیری ئەو وەزارەتەی لەسەرە، داوا لە سەرجەم وەزارەت و فەرمانگە حکوومییەکان دەکات زانیاریی ئەو فەرمانبەرانەیان بۆ بنێرن کە بڕوانامەی بێ مۆڵەتی خوێندنیان بە دەست هێناوە.

شێوازی جێبەجێکردن: لەڕێگەی لینک و بارکۆدێک، زانیاریی تەواوی ئەو فەرمانبەرانەی بڕوانامەیان بە بێ مۆڵەتی خوێندن بە دەست هێناوە پڕ دەکرێتەوە و بە زووترین کات بۆ وەزارەتی دارایی ڕەوانە دەکرێت.

ئەوەی پێویستە بیزانیت: وەزارەتی دارایی ئەوەی ڕاگەیاندووە کە کەموکوڕی لە فۆڕمەکاندا هەیە و تا ئێستاش زانیارییەکان بە تەواوی نەگەیشتوونەتە دەستیان و دوا ڕێککەوتیش 10-5-2024ـە.