دوای 10 ساڵ ئێرانییەكان دەتوانن عومرە بكەن

ئاڤا نیوز  

 

بەهۆی ناكۆكییە سیاسییەكانی نێوان ئێران و سعودیە، ماوەی 10 ساڵە موسوڵمانانی ئێران نەیانتوانیوە عومرە ئەنجامبدەن، دوێنێ بۆیەكەمجار ئێرانییەكان توانییان بۆ ئەو مەبەستە  گەشتی سعوودیە بكەن.

وێنە گەورەكە:دوای ئاسایی كردنەوەی پەیوەندییەكانی نێوان ئێران و سعودیە و كردنەوەی باڵوێزخانەكانیان، موسڵمانانی ئێران ڕێگەیان پێدرا بچنە نێو خاكی سعوودیەوە و ئەركە ئاینییەكانیان بەجێبهێن، ماوەی 10 ساڵە هاوڵاتیانی ئێران نەیانتوانیوە بچنە نێو خاكی سعودیەوە و ساڵی ڕابردووش یەكەم ساڵ بوو ئێرانییەكان حەجیان ئەنجامدا. 

زانیاریی زیاتر: میدیای فەرمی حكومەتی ئێران ڕایگەیاند: لەمەودوا موسوڵمانانی ئێران دەتوانن عومرە بكەن و پێشبینی دەكەن ئەمساڵ زیاتر لە پێنج هەزار هاوڵاتی ئێرانی عومرە بكەن. 

لە لایەكی دیكەوە: عەبدوڵڵا بن سعود عەنەزی، باڵوێزی سعودیە لە ئێران، لە فرۆكەخانەی ئیمام خومەینی ئامادەبوو بۆ پێشوازیكردن لەو هاوڵاتییانەی گەشتی عومرە دەكەن.