کۆبوونەوەی پارتەکانی پەرلەمانی تورکیا بۆ گۆرینی دەستوور دەستیپێکرد

 

ئاڤا نیوز

لە یادی سەد ساڵەی تورکیا، دەستوورێکی نوێ بۆ وڵات دەنووسرێتەوە، پەرلەمانی تورکیا بۆ ئەم مەبەستە کۆبوونەوەکانی دەستپێکردووە.

 

وێنە گەورەکە: نوعمان کورتولوش، سەرۆکی پەرلەمانی تورکیا  سەرەتا لەگەڵ هەریەک لە  ئۆزگور ئۆزەل و  ئەندامانی پارتی جەهەپە، دەوڵەت باخچەلی و ئەندامانی  پارتی مەهەپە، کۆ دەبێتەوە. 

 

بۆچی گرنگە: دانانی دەستوورێکی نوێ، دەستکەوتێکی دیکەیە بۆ  ئاکپارتی  لەنێو مەیدانی ململانێی پارتە سیاسییەکانی ئەو وڵاتە.

 

لەلایەکی دیکەوە: ئاکپارتی بۆ ئەم پرسە دەستەیەکی دامەزراندووە و  هەوڵ دەدات ئەو پارتانەی سەنگی دەنگەکانی پەرلەمان یەکلایی دەکەنەوە بۆ ئەم پرسە ڕازی بکات.