کەسێک خۆی وەک فەرمانبەری نووسینگەی سەرۆککۆمار و سەرۆکوەزیران ناساند و زیندانی کرا

ئاڤا نیوز

 

لە بەغدا کەسێک وەک فەرمانبەری نووسینگەی سوودانی و لیوا خۆی دەناسێنیت 10 ساڵ زیندانی دەکرێت.

 

چیرۆکە سەرەکییەکە: دادگەی تاوانەکانی کەرخ سزای زیندانیکردنی 10 ساڵی بەسەر تۆمەتبارێک سەپاند، کە وەک فەرمانبەرێکی نووسینگەی سەرۆککۆمار و  سەرۆکوەزیرانی عێراق خۆی ناساندووە.

 

ڕاگەیێنراوی فەرمی: "دادگەی تاوانەکانی کەرخ سزای 10 ساڵ زیندانی بەسەر سزادراوێکدا دەرکرد بە تاوانی خۆناساندنی وەک فەرمانبەر لە نووسینگەکانی سەرۆککۆمار و سەرۆکوەزیران."
لە ڕاگەیێنراوی دادگەی تاوانەکانی کەرخ واهاتووە.

 

زانیاریی زیاتر: جگە لەوەی کە تاوانبار خۆی وەک فەرمانبەرێک لە نووسینگەکانی سەرۆککۆمار و سەرۆکوەزیران نیشان داوە، وەک ئەفسەرێک بە پلەی جەنەڕاڵ لە وەزارەتی بەرگریش خۆی ناساندووە.