عێراق کۆمەڵێک پڕۆژەی ئاو جێبەجێ دەکات

ئاڤا نیوز

 

عێراق بەنیازە پڕۆژە ژێرخانی و وەبەرهێنانییەکانی تایبەت بە کەرتی ئاو، بە ڕێککەوتن لەگەڵ کۆمپانیا تورکییەکان جێبەجێ بکات.

 

لێدوانی فەرمی: عەون زیاب، وەزیری سەرچاوە ئاوییەکانی عێراق ڕایگەیاند: ڕێککەوتن لەبارەی ئاوەوە کە لە نێوان عێراق و تورکیا کراوە، تیشکی خستووەتە سەر بەردەوامبوون و دابەشکردنی ئاو لەنێوان هەردوو وڵاتدا.

 

زانیاریی زیاتر: وەزارەتەکە بۆ جێبەجێکردنی پڕۆژەی ژێرخانی تایبەت و وەبەرهێنان بۆ کەرتی سەرچاوە ئاوییەکان پلانێکی ئامادە کردووە.

 

لەلایەکی دیکەوە: ڕەفیق ساڵحی، ئەندامی ئەنجوومەنی نوێنەرانی عێراق ڕایگەیاندووە: حکومەت سوودی لە سەردانەکەی ئەم دواییەی سەرۆککۆماری تورکیا و ڕێککەوتنەکان وەرگرتووە.

 

ئەوەی پێویستە بیزانیت: لە حەفتاکانی سەدەی ڕابردووەوە عێراق و تورکیا نەگەیشتوون بە ڕێککەوتنێکی ڕوون لەبارەی ئاو و هیوا لەسەر ڕێککەوتنەکانی سەردانەکەی ئەردۆغان دانراوە.