لێدوانی پێشەوا هەورامانی لەبارەی مووچە

ئاڤا نیوز

 

گوتەبێژی حکومەتی هەرێمی کوردستان ئاشکرای کرد، لەبەر داهاتی ناوخۆ و پرسی بە بانکیکردنی مووچە، تا ئێستا مووچەی فەرمانبەرانی هەرێمی کوردستان دابەش نەکراوە.

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان ڕایگەیاند:"داهاتی ناوخۆ ڕادەستی عێراق کراوە و پرسی بەبانکیکردنی فەرمانبەرانیش هۆکارێک بووە بۆ دواکەوتنی مووچەی فەرمانبەران، هەموو زانیارییەک پێشکەش دەکەین تا پڕۆسەی بەبانکی کردنی مووچەی فەرمانبەرانی هەرێمی کوردستان بەزوویی بکرێت، ئێستا بەربەستەکان لەبەردەم ناردنی مووچە لاچوون و چاوەڕێی ناردنی مووچەین لەلایەن بەغداوە.

زانیاریی زیاتر: "بانکی تی بی ئای" هاتووەتە ناو پڕۆژەی هەژماری من و ئێستا حەوتەمین بانکە، لەو حەوت بانکە فەرمانبەرانی هەرێمی کوردستان سەرپشکن کامیان هەڵدەبژێرن.

 

وێنە گەورەکە: دوای ڕێککەوتنی نێوان حکومەتی هەرێمی کوردستان و حکومەتی عێراق، فەرمانبەران چاوەڕێی پێدانی مووچەی مانگی چوارن و تا ئێستا دابەشنەکراوە، حکوومەتی هەرێمی کوردستانیش دەڵێت چاوەڕێی عێراقن، پارە بۆ مووچە بنێرێت.