لە دهۆک دەرمانێکی زۆری بێمۆڵەت و قاچاخ دەستی بەسەردا گیرا

ئاڤا نیوز

ئاسایشی دهۆک ڕایگەیاند، لە کۆمەڵگەیەکی پزیشکی دەستیان بەسەر چەندین جۆر دەرمانی نایاسایی و قاچاخدا گرتووە.

ڕاگەیێنراوی فەرمی: ئاسایشی دهۆک ڕایگەیاند: زانیاریمان پێگەیشتووە لەوەی دەرمانی بێمۆڵەت و قاچاخ لە یەکێک لە کۆمەڵگە پزیشکییەکان هەڵگیراوە دەیانهەوێت بەسەر هاووڵاتییاندا ساخی بکەنەوە.

زانیاریی زیاتر: لە لێکۆڵینەوەکاندا سەلمێنراوە کۆمەڵگەیەک دەرمانەکانی بۆ فرۆشتن ئامادە کردووە.

باکگراوند: پێشتر وەزیری تەندروستی حکومەتی هەرێمی کوردستان ڕایگەیاندبوو، بەشێوەیەکی گشتی چاکسازی لە کەرتی تەندروستی گەیشتووەتە ئاستێکی زۆر باش. دەرمانی قاچاخ زۆر کەم بووەتەوە و 95٪ـی بازاڕ لەژێر چاودێری و کۆنتڕۆڵدایە.

بۆچی گرنگە: ڕێگری لە دەرمانی قاچاخ و بێمۆڵەت، تەندروستی هاووڵاتیان پارێزراو دەكات و هاووڵاتیانیش دڵنیاتر دەبنەوە لە كەرتی تەندروستی.