ڕێوڕەسمی ڕاگەیاندنی یەکەمین خولی فێستیڤاڵی فیلم لە مەهاباد بەڕێوەچوو

ئاڤا نیوز 

 

یەکەمین خولی فێستیڤاڵی فیلم و سیناریۆ و وێنه‌ی فۆتۆگرافی لە مەهاباد بەڕێوەچوو و پێشانگەیەکی تایبەت بۆ بەرهەمەکانی ئەنوەر یوسفی فۆتۆگرافەر کرایەوە. 

 

بڵاوکراوەی فەرمی:  یەکەم خولی فێستیڤاڵی فیلم، سیناریۆ، وێنه‌ی فۆتۆگرافی "ئاسمان"، لە تەلاری وه‌حده‌تی شارەوانی مەهاباد بەڕێوەچوو لە درێژەی فیستیڤاڵەکەدا پێشانگایه‌کی تایبەت بە بەرهەمەکانی، "ئەنوەر یوسفی" هونه‌رمه‌ندی فۆتۆگرافەری دێرینی مەهاباد و ژمارەیەک لە مامۆستایانی فۆتۆگرافیی کوردستان کرایەوە.‌

 

زانیاریی زیاتر: لەو رێوڕەسمەدا کورتە فیلمێکی به‌ڵگه‌نامه‌یی سەبارەت بە تەمەنێک هەوڵ و ماندووبوونی "ئەنوەر یوسفی" لە تۆمارکردنی بەرهەمە ناوازەکانی فۆتۆگرافی له‌ ژیانی خەڵکی مەهاباد و گوندەکانی دەوروبەری ئه‌و شاره‌ لە ساڵانی ڕابروودا نمایش کرا.

 

ئەمەش بزانە: فێستیڤاڵی "ئاسمان" بۆ یەکەمجارە بەڕێوە دەچێت و تێیدا هونەرمەندانی 10 پارێزگای جیاواز بەشدارییان کردووە.