خشتەی مووچە بڵاو كرایەوە

ئاڤا نیوز

وەزارەتی دارایی و ئابووریی حکومەتی هەرێمی کوردستان، خشتەی مووچەی بەشێک لە وەزارەتەکانی بۆ مانگی نیسان بڵاو کردەوە.

 

ڕاگەیێنراوی فەرمی: دووشەممە،  پێنج  ناوەندی حکومی مووچە وەردەگرن و تا پێنجشەممەش سەرجەم وەزارەت و دەستە و بەڕێوەبەرایەتییەکان جگە لە  وەزارەتی پێشمەرگە ــ فەرماندەی زێرەڤانی
ــ یەکەی 70 و 80 و دەزگا و ئەنجوومەنی ئاسایش لەگەڵ بەرگری و فریاکەوتن، مووچەی مانگی چوار وەردەگرن.

 

ئەوەی پێویستە بیزانیت: وەزارەتی دارایی هەرێمی کوردستان ڕایگەیاندووە هێشتا پارەی وەزارەتی پێشمەرگە ــ فەرماندەی زێرەڤانی ــ یەکەی 70 و 80 و دەزگا و ئەنجوومەنی ئاسایش لەگەڵ بەرگری و فریاکەوتن، نەهاتووە.

 

لێدوانی فەرمی: چەند ڕۆژێک پێش ئێستا سەرۆکوەزیران بارزانی بە ئاڤا نیوزی گوت: ”چاوەڕێی ناردنی مووچەن و لە نزیکترین کاتدا پارە دەگاتە هەرێمی کوردستان و دەست بەدابەشکردنی مووچە دەکرێت'".