ئاژانسی وزەی ئەتۆم: ئێران خواستی جددی بۆ دانوستان هەیە

ئاڤا نیوز 

ئاژانسی نێودەوڵەتیی وزەی ئەتۆم ڕایدەگەیێنێت، دوای زیاتر لە ساڵێک جارێکی دیکە ئێران خواستی جددی بۆ دانووستان لەگەڵ ئاژانسەکە سەبارەت بە بەرنامە ئەتۆمییەکەی پیشانداوە.

لێدوانی فەرمی: ڕافایل گرۆسی، بەڕێوەبەری ئاژانسی نێودەوڵەتیی وزەی ئەتۆم ڕایگەیاند: "ئەو ڕێبازە نوێیەی ئێران بەرامبەر بە ئاژانسی نێودەوڵەتی دەیگرێتەبەر، دەکرێت نیشانەی خواستی تاران بێت بۆ کەمکردنەوەی گرژییەکانی لەگەڵ واشنتن".

زانیاریی زیاتر: پەیوەندییەکانی نێوان ئێران و ئاژانسی نێودەوڵەتیی وزەی ئەتۆم کە لە چەند مانگی ڕابردوودا گرژیی بەخۆیەوە بینی، "دەتوانێت بچێتە قۆناغێکی نوێ و پێدەچێت تاران بیەوێت دانوستان لەسەر پرسە جدییەکان بکات. ڕافایل گرۆسی ئەم قسانەی بۆ ڕۆژنامەی "فاینانشیاڵ تایمز"ی بەریتانی کردووە.

ئەمەش بزانە: ڕافائیل گرۆسی ڕۆژی شەشی ئایار لە سەردانەکەی بۆ ئێران لەگەڵ کاربەدەستانی ئەو وڵاتە گەیشتبووە "لێکتێگەیشتنێکی هاوبەش" و ئێرانیش ئامادەیی خۆی بۆ کارکردن لەسەر ڕێوشوێنی تایبەت پیشاندابوو.