بلینکن سەردانی رۆژهەڵاتی ناوەڕاست دەکات

ئاڤا دیجیتاڵ

 

بەگوتەی بەرپرسێكی ئەمریكا ، ئەنتۆنی بلینکن وەزیری دەرەوەی ئەمریکا بەمزووانە سەردانی ڕۆژهەڵاتی ناوەڕاست دەکات، لەکاتێکدا دانوستانەکان گەرمن،  لەسەر پێشنیازێک بۆ وەستاندنی هێرشەکانی ئیسرائیل و ئازادکردنی بارمتە دەستبەسەرکراوەکانی لای حەماس.  

چیرۆكی سەرەكی: بڕیار وایە لە چەند رۆژی داهاتوودا، بلینکن سەردانی چەند وڵاتێکی رۆژهەڵاتی ناوەراست بکات، ئاژانسی فرانس پرێس لەسەر زاری بەرپرسێکی ئەمریکی ئەمەی ئاشکراکردووە، بەبێ ئەوەی هیچ زانیاریەک دەربارەی کات و بەرواری سەردانەکە بڵاو بكاتەوە.

ئەوەی پێویستە بیزانیت: بلینکن لە هەر سەردانێکیدا، سەردانی ئیسرائیل و چەند وڵاتێکی عەرەبی کردووە.

ئەوەی ئێستا روودەدات: ئەمە پێنجەمین  سەردانی بلینکنە  بۆ  رۆژهەڵاتی ناوەراست، لەدوای هێرشەکەی حەوتی ئۆکتۆبەری حەماس بۆ سەر ئیسرائیل ، کە زۆر بە تووندی لە لایەن ئیسرائیلەوە وەڵام درایەوە و تاوەکو ئێستاش ئیسرائیل لە هێرشەکانی بۆ سەر غەززە بەردەوامە.

پێدراوە راستەکان: بلینکن ڕۆژی دووشەممەی رابردوو باسی لەوە کرد  "هیوایەکی ڕاستەقینە" هەیە بۆ  چارەسەرکردنی کێشەی ئیسرائیل- فەڵەستین بە نێوەندگیری قەتەر چەند پێشنیارێکی باش کراوە ، هیوایەک هەیە کە بگەنە ئەنجام".

 زانیاری زیاتر:  ئەمڕۆ چوارشەممە، لە چوارچێوەی هەوڵەکان بۆ نێوەندگیری و چارەسرکردنی کێشەکانی نێوان حەماس- ئێسرائیل، بڕیار بوو جەیک سولیڤان، ڕاوێژکاری ئاسایشی نەتەوەیی ئەمریکا لە واشنتۆن لەگەڵ ڕۆن دێرمر، وەزیری کاروباری ستراتیژی ئیسرائیل کۆببێتەوە کە هاوپەیمانی نزیکی بنیامین ناتانیاهۆ سەرۆکوەزیرانی ئیسرائیلە.

باكگراوند: لە مانگی ئۆكتۆبەری ساڵی ڕابردووەوە شەڕ لەنێوان چەكدارانی حەماس و ئیسرائیل دروستبوو، زیاتر لە 26 هەزار كەس كوژراون و نزیكەی 65 هەزار كەسی دیكەش برینداربوون.