ئیسرائیل كوژرانی دوو گەورە بەرپرسی حەماسی ڕاگەیاند

ئاڤا نیوز

سوپای ئیسرائیل ڕایگەیاند دوو گەورە بەرپرسی حەماسیان لە ڕەفەح کوشتووە، کە لەنێو ئاوارەکانی ناوچەکەدا خۆیان حەشارداوە.

وێنە گەورەکە: شەوی دووشەممە سوپای ئیسرائیل ئۆپەراسۆنێکی بەرفراوانی لە ڕەفەح ئەنجامدا و زانیارییە سەرەتاییەکان دەڵێن 35 کەس کوژراون و ئیسرایلیش دەڵێت دوو گەورە بەرپرسی حەماس کە بەرپرسن لە بەشێک لە "ئاژاوەگێڕییەکان" کوژراون.

ڕاگەیێنراوی فەرمی: سوپای ئیسرائیل ڕایگەیاند: هەریەک لە یاسین ڕەبیعە و خالیج نەجاڕ لە ئۆپەراسیۆنەکانی شەوی ڕابردوودا لە ڕەفەح کوژران.

ئەوەی پێویستە بیزانیت: یاسین ڕەبیعە بەرپرسی سەرجەم ئۆپەراسیۆنەکانی حەماس  بوو لە ناوچەی جوو نشینەکان و سامریە، خالد نەجار بەرپرسی باڵای حەماس بوو لە ناوەندی فەرماندەیی ئەو ناوچەیە.

لەلایەکی دیکەوە: تاوەکو ئامادەکردنی ئەم هەواڵە حەماس کوژرانی ئەو دوو بەرپرسەی پشتڕاستنەکردووەتەوە.