تورکیا و ئیسرائیل یەکتری بە جینۆسایدکردن تۆمەتبار دەکەن

ئاڤا نیوز

وەزارەتی دەرەوەی تورکیا وەڵامی ئیسرائیل دەداتەوە کە ئەردۆغان بە "تاوانی جینۆسایدکردنی کورد" تۆمەتبار دەکات.

بۆچی گرنگە: ئیسرائیل هەوڵدەدات پرسی کورد لە دژی تورکیا بەکار بهێنێت.

ڕاگەیێنراوی فەرمی: ئیسرائیل کاتز، وەزیری دەرەوەی ئیسرائیل لە هەژماری تایبەتی خۆی لە ئێکس نووسیویەتی: "ئەردۆغان هاووڵاتییە کوردەکان دەکوژێت، باکووری قوبرس داگیر دەکات و تاوانی دژ بە مرۆڤایەتی ئەنجام دەدات".

بۆچوونی لایەنی بەرامبەر: وەزارەتی دەرەوەی تورکیا بەتووندی وەڵامی کاتز دەداتەوە و ڕایدەگەیێنێت: "ئاستی بێ ڕێزی و تۆمەتە بێ بنەماکانی وەزیری دەرەوەی ئیسرائیل، هەوڵێکی بێ کەڵکە بۆ گۆڕینی ئەجێنداکانی سەبارەت بە تاوانەکانی ئیسرائیل لە فەلەستین".

 

زانیارییە بەدەستهاتووەکان: تورکیا هەوڵدەدات، ئیسرائیل لە دادگەی نێودەوڵەتی سزای کوشتنی 40 هەزار فەلەستینی وەربگرێت. 

 

ئەوەی ئێستا ڕوودەدات: لە داوی حەوتی ئۆکتۆبەر و دەستپێکی شەڕی نێوان حەماس و ئیسرائیل، تاوەکو دێت گرژییەکانی نێوان تورکیا و ئیسرائیل چڕتر دەبنەوە، ئێستاش پەیوەندییە دیبلۆماسییە بازرگانییەکانیان گۆڕاوە بۆ لێدوانی دژ بە یەک و هەڕەشەکردن لە یەکدی.