تاتۆکردن دەبێتە هۆی تووشبوون بە شێرپەنجەی خوێن

ئاڤا نیوز

 

بە گوێرەی توێژینەوەیەکی سویدی، ئەو کەسانەی تاتۆیان کردووە بە ڕێژەی 21% ئەگەری تووشبوونیان بە جۆرێکی شێرپەنجە زیاترە لەو کەسانەی تاتۆیان نەکردووە. 

 

وێنە گەورەکە: توێژەرانی زانکۆی لیند لە سوید گەیشتوونەتە ئەو دەرەنجامەی کە تووشبوون بە شێرپەنجەی خوێن پەیوەندی بە تاتۆکردنەوە هەیە، بە هۆی ئەوەی کاریگەری لەسەر سیستەمی بەرگریی لەش هەیە.

 

بڵاوکراوەی فەرمی: ئەو توێژینەوەیە لەسەر 11هەزار و 905 کەس ئەنجام دراوە، تەمەنی بەشداربووانیش لە نێوان 20 بۆ 60 ساڵان بووە، لەو ژمارەیە دوو هەزار و 938 کەسیان تووشی نەخۆشی شێرپەنجەی خوێن ببوون کە 289 کەسیان تاتۆیان کردووە. توێژەرەکان بۆیان دەرکەوتووە ئەگەری تووشبوون بە لیمفۆما لەنێو ئەو کەسانەی تاتۆیان هەبووە لە 21% زیاترە لەوانەی کە نەیانبووە.

 

ئەوەی لەباریەوە دەگوترێت: توێژەران بۆیان دەرکەوتووە قەبارەی تاتۆ گرنگ نییە گەورەیە یان بچووک، تەنیا ئەنجامدانی تاتۆ بەسە بۆ تووشبوون بەم جۆرە شێرپەنجەیە.