لە مووسڵ دەستبەسەر 90 کیلۆ مادەی هۆشبەر دەگیرێت

ئاڤا نیوز

 

لە شاری مووسڵ بە هەماهەنگیی هێزە ئەمنییەکانی هەرێمی کوردستان، وەزارەتی ناوخۆی عێراق دەستی بەسەر 90 کیلۆ مادەی هۆشبەردا گرت و دوو تۆمەتباریشی دەستگیر کرد.

 

ڕاگەیێنراوی فەرمی: میقداد میری، گوتەبێژی وەزارەتی ناوخۆی عێراق ڕایگەیاند: "بە هەماهەنگیی بەڕێوەبەرایەتیی گشتیی نەهێشتنی مادە هۆشبەرەکانی هەرێمی کوردستان، لە ئۆپەراسیۆنێکی هەواڵگری و دوای دەستخستنی زانیاریی ورد، بەڕێوەبەرایەتیی گشتیی کاروباری مادە هۆشبەرەکان لە پارێزگای نەینەوا دەستی گرت بەسەر 90 کیلۆ  لە مادەی هۆشبەر و دوو تۆمەتباریش دەستگیرکران".

 

لەلایەکی دیکەوە: دوێنێ سێشەممە، لە پارێزگاکانی نەجەف و ئەنبار توانرا دەستبەسەر دوو ملیۆن و 500 هەزار حەبی هۆشبەر لە جۆری کاپتاگۆندا بگیرێت.

 

ئەمەش بزانە: لە سەرەتای ئەمساڵەوە شەش هەزار تۆمەتبار بەهۆی تێوەگلان بە مادەی هۆشبەر، دەستگیرکراون و دەستیش بەسەر 10 تۆن لەو مادانەدا گیراوە.