فشارەکانی کارکردن دەبێتە هۆی هەستکردن بە ئازاری جیاواز

ئاڤا نیوز

زۆربەی کات ئەو ئازارانەی کە بەدەستیانەوە دەناڵێنین، کاتێک لە پشوودا دەبین لەوانەیە کەم بێتەوە یان بە تەواوی نەمێنێت.

لێدوانی فەرمی: د. فەیروز شەریف، ڕاوێژکاری چارەسەری سروشتی، دەڵێت: ئازاری جەستە مەرج نییە بەهۆی نەخۆشییەکی ئەندامەکانی جەستەوە بێت، چونکە فشارەکانی کارکردن و کاریگەرییەکانی لەسەر تەندروستی دەروونی ڕەنگە ببێتە هۆی هەستکردن بە ئازاری جیاواز.

ئەوەی پێویستە بیزانیت: زۆربەی کات فشاری کار دەگۆرێت بۆ ئازاری جەستە، کاتێک فشارەکان دووبارە دەبنەوە جەستە ئەم فشارانە دەگۆرێت بۆ ئازار، تاوەکو هەستی پێبکەین و گرنگی پێبدەین، دکتۆر فەیروز وادەڵێت.

چارەسەرەکان: بۆ ئەوەی لە ئازارانەی جەستەمان کەم بێتەوە، پێویستە ماوەیەک دوور لە کار بین  و باری دەروونیمان باشتربکەین لەڕێگەی ئەنجامدانی یۆگا یاخود وەرزشی سووک، کە یارمەتی جەستە دەدات ئارام ببێتەوە و فشاری دەروونی کەم بکاتەوە.