پارێزگاری هەولێر: بیرۆکەی شەممەی ئاڤا تازەگەرییە و پشتگیری دەکەین

ئاڤا نیوز

 

پارێزگاری هەولێر ڕایگەیاند، کاتێک بیرۆکەی کەرنەڤاڵەکەمان دیت هەر زوو پشتگیری خۆمان بۆ دەربڕی و پەسەندمان کرد.

 

وێنە گەورەکە: بۆ یەکەمجار ئاڤا کەرنەڤاڵێکی جەماوەریی وەرزشی لە کەشێکی دۆستانەدا لە شەقامی ئیسکان بە ئامادەبوونی گەنجانی هەموو شار و شارۆچکەکانی کوردستان ڕێکخستووە، لە سێ شاشەی گەورەوە سەیری یارییەکە دەکرێ و چێنەر عەبدولقادر، ئەستێرەی دیاری وەرزشیی کوردستان و ئاڤا میدیا لە ستەیجی ئیسکانەوە شرۆڤەی یارییەکە دەکات.

 

ڕاگەیێنراوی فەرمی: ئومێد خۆشناو، بە ئاڤا نیوزی گوت: ئەم هەنگاوەی گرووپی میدیایی ئاڤا نوێگەرییە و گەنجانەیە و پێویستمان بە تێکەڵاوبوونی کۆمەڵایەتی و ئاشنایەتی باش هەیە، دەرئەنجام ئەمەی کراوە خزمەت بە گەنجان دەکات، هەروەها بیرۆکەیەکی باشە، ئێمە پشتگیری دەکەین و لەگەڵ فراوانکردنی ئەم جۆرە بیرۆکانە داین.

 

چیرۆکی سەرەکی: کاتژمێر 10:00ـی ئەمشەو، 01-06-2024 یاریی کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند بەڕێوەدەچێت.