سەرۆکی جەهەپە سەردانی دەمیرتاش دەکات

ئاڤانیوز

 

ئۆزگور ئۆزەل، سەرۆکی جەهەپە رایگەیاند، لە ڕۆژانی داهاتوودا سەردانی سەڵاحەددین دەمیرتاش، سەرۆکی پێشووی دەم پارتی (هەدەپە) لە زیندان دەکات. 

 

وێنە گەورەکە: ئەم سەردانەی ئۆزەل نزیکبوونەوە و پشتیوانی جەهەپەیە بۆ دەم پارتی نیشانی دەدات.

 

ڕاگەیێنراوی فەرمی: ئۆزگور ئۆزەل بە میدیاکانی ڕاگەیاند: سزاکانی سەر دەمیرتاش سیاسین و دوای بڕیارەکەش لە ڕێگەی پەیوەندییەکی تەلەفۆنی قسەی لەگەڵ هاوسەری دەمیرتاش، باشاک دەمیرتاش هەروەها هاوسەری فیگەن یوکسەکداغ، سێدات شانۆغڵوەوە کردووە. 

 

زانیاری زیاتر: ئۆزگور ئۆزەل ڕاشیگەیاند، بەم نزیکانە سەردانی دەمیرتاش دەکات. 

 

زانیارییە بەدەستهاتووەکان:  لە ڕۆژی 27ی ئایار کەمال کڵچدارئۆغلو، سەرۆکی پێشووی جەهەپە سەردانی دەمیرتاشی کردووە لە زیندان، لە دوای ئەو سەردانە ئێستا ئۆزگور ئۆزەلی پلانی داناوە بچێتە لای دەمیرتاش و قسەی لەگەڵ دا بکات.

 

ئەوەی پێویستە بیزانیت: ناکۆکیەکی شاراوە لە نێوان هەردوو سەرۆکی ئێستا و پێشووی جەهەپە هەیە، هەردوو لا دەیانەوێت بۆ دەم پارتی بسەلمێنن کە هاوپەیمانێکی باشی ئەوانن و پشتگیریان لێ دەکەن. 

 

باکگراوند: دادگەی باڵای تاوانەکانی ئەنقەرە بەتۆمەتی" پشتیوانیکردن لە تێکدەرانی ئارمی وڵات" سەڵاحەددین دەمیرتاش، سەرۆکی پێشووی دەم پارتی،  بە  42 ساڵ زیندانی سزا دا.