ئیسرائیل: ڕۆژانە زیاتر لە 20 مووشەک ئاراستەی وڵاتەکەمان دەکرێت

ئاڤا نیوز

گەورە بەرپرسانی ئیسرائیل باس لەوە دەکەن، ڕۆژانە زیاتر لە 20 مووشەک ئاراستەی خاکەکەیان دەکرێت، سیستەمی بەرگریی وڵاتەکە وەڵامیان دەداتەوە.

وێنە گەرەکە: لە حەوتی ئۆکتۆبەری 2023ـەوە کە ئیسرائیل و حەماس کەوتنە شەڕەوە، بەردەوام لە دەریای سوور، دەریای ناوەڕاست، عێراق، سووریا، لوبنان، فەڵەستین و نیمچە دوورگەی سیناوە مووشەکی جۆراو جۆر ئاراستەی خاکی ئیسرائیل دەکرێت و بەشێکی زۆریان لەلایەن سیستەمی بەرگریی ئەو وڵاتە وەڵام دەدرێنەوە.

لێدوانی فەرمی: ئەفیغای ئەدرەعی، گوتەبێژی سوپای ئیسرائیل ڕایگەیاند: "بەردەوام ڕۆژانە زیاتر لە 20 مووشەک ئاراستەی خاکی وڵاتەکەمان دەکرێت و وەڵامیان دەدەینەوە، دەمانەوێت ئەم کێشەیە بەشێوەیەکی بنەڕەتی چارەسەر بکەین".

ئەوەی ئێستا ڕوودەدات: بەرەبەیانی ڕۆژی دوو شەممە، لە سووریا و لوبنانەوە چەندین مووشەک ئاراستەی ئیسرائیل کران و سیستەمی بەرگریی وڵاتەکە وەڵامی دانەوە.