زیاتر له‌ دوو ملیۆن حەبی کەپتاگۆن ده‌ستی به‌سه‌ردا گیرا

ئاڤا نیوز 

 

بەڕێوەبەرایەتیی کاروباری ماددە هۆشبەرەکانی عێراق، دەستگیركردنی باندێكی بازرگانی ماددەی هۆشبەر و دەستبەسەرداگرتنی زیاتر له‌دوو ملیۆن حەبی کەپتاگۆنی هۆشبه‌ری ڕاگەیاند.

 

ڕاگەیێنراوی فەرمی: بەڕێوەبەرایەتیی کاروباری ماددە هۆشبەرەکانی عێراق  ئاشكرای كرد، دوای ڕووبەڕووبوونەوەی چه‌كداری لەگەڵ باندێک کە هه‌وڵی گواستنه‌وه‌ی بڕێكی زۆری مادده‌ی هۆشبەریان دەدا لە پارێزگای ئەنباره‌وه‌  بۆ نەینەوا، دەستگیركران و دەستیش بەسەر دوو ملیۆن و نیو حەبی هۆشبەردا گرتووە له‌ جۆری کەپتاگۆن.

 

زانیاریی زیاتر: به‌گوێره‌ی راِگه‌یاندنه‌كه‌ ئه‌م ئۆپەراسیۆنه‌ لە بەسرەوە ده‌ستی پێ كردووه‌ به‌ره‌و نه‌جه‌ف پاشان ئەنبار و لە نەینەوا کۆتایی هاتووه.

 

ژمارەکان وا دەڵێن: لە سەرەتای ئەمساڵەوە لە عێراق، دەستبەسەر زیاتر لە 12 تۆن ماددەی هۆشبەر و کارتێکەرە دەروونییەکاندا گیراوە.