شاندێکی عێراق بۆ پرسی مووچە 15 ڕۆژ لە هەولێر دەبێت

ئاڤا نیوز

شاندی دیوانی چاودێریی دارایی عێراق بۆ وردبینی لە لیستی مووچەی هێزە ئەمنی و سەربازییەکان، دوو ڕۆژە  لە هەولێرە و لەگەڵ دیوانی چاودێریی دارایی هەرێمی کوردستان دەستی بە وردبینی کردووە.
 

وێنە گەورەکە: مووچەی هێزە ئەمنی و سەربازییەکان پرسێکی ئاڵۆزی نێوان هەولێر و بەغدایە، بۆ چارەسەرکردنی کێشەکەش سەرۆکوەزیران بارزانی بەردەوام لەگەڵ حکومەتی عێراق لە هەوڵدا بووە، ئەمڕۆش لە پەیامێکی نوێدا ڕایگەیاند بۆ چارەسەر گەیشتوونەتە قۆناغی کۆتایی.

زانیاریی تایبەت: شاندەکە بۆ ماوەی 15 ڕۆژ لە هەولێر دەبێت و تەنها بۆ پشووی جەژەن دەگەڕێتەوە، سەرەڕای وردبینی لە لیستی مووچەی هێزە ئەمنی و سەربازییەکان، وردبینی لە خەرجی و داهاتی سێ مانگی سەرەتای ئەمساڵیش دەکات. 

زانیاریی زیاتر:  لیژنەکە ڕاسپێردراوە بەخێرایی وردبینییەکە تەواو بکات و هەوڵەکان بەو ئاراستەیەن کێشەکە بەیەکجاریی چارەسەر بکرێت.

ئەوەی پێویستە بیزانیت: حکومەتی هەرێمی کوردستان بە لیست ناوی هێزە سەربازییەکانی دەداتە لیژنەکە،  هێزە ئەمنی و هەواڵگرییەكانیش بە كۆد.