بەڕێوەبەری هاتووچۆی سلێمانی گەڕایەوە سەر کارەکەی

ئاڤا نیوز 

 

بەڕێوەبەری هاتووچۆی سلێمانی دوای زیاتر لە مانگێک لە دوورخستنەوەی گەڕایەوە سەر ئەرکەکەی و لەلایەن کارمەندانی بەڕێوەبەرایەتییەکە پێشوازی لێکرا.

 

چیرۆکی سەرەکی: ڕۆژی سێشەممە 07-05-2024 عەمید ئاسۆ محەممەد، بەڕێوەبەری هاتووچۆی سلێمانی بە فەرمانی دادوەریی سەربازی بۆ ماوەی مانگێک زیندانیکردن سزادرا بەهۆی بوونی گومان لە بڕوانامەکەی و چەند کەیسێکی دیکە.

 

هۆکارە زانراوەکان: بەڕێوەبەری هاتووچۆی سلێمانی لە دادگەی سەربازی لەسەر سێ کەیس فەرمانی دەستگیرکردنی بۆ دەرچوو بوو،  یەکێکیان لە ساڵی 2022 بڕوانامەیەکی بەناوی ماستەر پێشکەش کردووە و پلە و مووچەکەی زیاد بووە، ئاشکرا بووە ساختەی کردووە و ماستەریشی تەواو نەکردووە.

 

زانیاری بەدەستهاتوو: ئەمڕۆ دووشەممە 10-06-2024 دوای مانگێک و سێ ڕۆژ عەمید ئاسۆ محەممەد گەڕایەوە سەر ئەرکەکەی و لەلایەن کارمەندانی بەڕێوەبەرایەتییەکەی بە گوڵ و  چەپڵەڕێزان پێشوازی لێکرا.