جۆ بایدن بە پێش ترەمپ کەوتەوە

ئاڤا نیوز

 

دوای ئەوەی لە نیویۆڕک لە پاشبوو، لە نوێترین ڕاپرسیدا جۆ بایدن توانی لە پێش دۆناڵد ترەمپ بکەوێتەوە. 

 

چیرۆکی سەرەکی:  كۆلێژی سینا ڕاپرسییەكی لەسەر هەڵبژاردنی سەرۆكی ئەمریكا لە نیویۆڕک ئەنجامداوە، دەركەوتووە بایدن بە هەشت خاڵ لەپێش دۆناڵد ترەمپەوەیە.

 

وێنە گەورەکە: چوار ساڵێک جارێک و بەر لە هەڵبژاردنی سەرۆکایەتی، بەمەبەستی زانینی پێگەی جەماوەری لە ویلایەتەکانی ئەمریکا ڕاپرسی بۆ کاندیدەکان ئەنجام دەدرێت. 

 

لێدوانی فەرمی: ستیڤن گرینبێرگ، توێژەر لە کۆلێژی سیێنا گوتی: لە کاتێکدا بایدن پشتیوانی سێ لەسەر چواری دیموکراتەکان بەدەست دەهێنێت،  ترەمپ پشتیوانی لە سەدا %85ی کۆمارییەکان هەیە.

 

ئەمەش بزانە: ڕاپرسییەکەی کۆلێژی سیێنا لە نێوان 12 بۆ  17ی حوزەیران ئەنجامدراوە و 805 دەنگدەری نیویۆرک بەشدارییان کردووە.

 

ژمارەكان وادەڵێن: جۆ بایدن لە ڕاپرسییەكەی نیویۆڕكدا %47ی دەنگەكانی بەدەستهێناوە و  دۆناڵد ترەمپ %39ی دەنگەكانی بەدەستهێناوە لە گشتیشدا %6ی بەشداربووان نەیانزانیوە دەنگ بەکێ بدەن،  %4 لەوانیش دەنگیان نەداوە.