هەولێر و بەغدا گفتوگۆ لەسەر بڕیاری پشکنینی کاڵا لە مووسڵ و دیالە دەکەن

ئاڤا نیوز

 

ئەم هەفتەیە هەولێر و بەغدا گفتوگۆ لەسەر بابەتی پشکنینی کاڵا لە دوو گۆڕەپانی گومرگی لە مووسڵ و دیالە دەستپێدەکەن.

 

وێنە گەورەکە: حكومەتی عێراق دوو گۆڕەپانی گومرگی لە نێوان هەرێمی كوردستان و شارەكانی عێراق دەکاتەوە، کە هەر کاڵایەک لە دەروازە فەرمییەکانی هەرێمی کوردستانەوە هاوردە بکرێت، لە ئەو دوو خاڵە گومرگییە پشکنینی بۆ دەکرێت.

 

لێدوانی فەرمی: ساماڵ عەبدولرەحمان، بەڕێوەبەرى گشتیی گومرگى هەرێمی کوردستان بە ئاڤا نیوزی ڕایگەیاند، "ئەو بڕیارە ئەرکی بازرگانان قوورس دەکات، دەبێتە هۆکارێک بۆ سستبوونی جووڵەی بازرگانی لە نێوان هەولێر و بەغدا."

 

چارەسەرەکان: ئەم هەفتەیە گفتوگۆ  نێوان حکومەتی هەرێمی کوردستان و عێراق دەستپێدەکات بە ئاراستەی چارەسەرکردنی ئەو پرسە لە بەرژەوەندیی گشتی و ئاسانکاریکردن بێت بۆ برەودان بە جووڵەی بازرگانی لە عێراق و هەرێمی کوردستان، بە ڕەچاوکردنی دەستوور و یاسا بەرکارەکان و نەهێشتنی ڕۆتین و بەربەستەکان.

بەڕێوەبەرى گشتیی گومرگى هەرێمی کوردستان وایگوت.