توێژینەوەیەک: با منداڵان بە دەستی خۆیان نان بخۆن

ئاڤا نیوز 

زاناکان ئامۆژگاری دایکان دەکەن، ڕێگا بە منداڵەکانیان بدەن بە دەستی خۆیان خۆراک بخۆن چونکە خێراتر گەشە دەکەن.

بڵاوکراوەی فەرمی: لێکۆلینەوەیەکی نوێ کە لە لایەن توێژەرانی زانکۆی کۆڵۆرادۆ ئەنجامدراوە،  باس لە گرنگی نان خواردن بەدەست لە لایەن منداڵانەوە دەكات.

ئەوەی پێوستە بیزانیت: توێژەران توێژینەوەیان لەسەر نزیکەی 70 منداڵی تەندروست و تەمەن پێنج مانگ کردووە، لە کاتی توێژینەوەکەدا توێژەران سێ ڕۆژیان تۆمارکردووە کە کۆمەڵێک منداڵ خواردنەکانیان بە دەستی خۆیان خواردووە، کۆمەڵێک منداڵیش خواردنەکانیان لە ڕێگای کەوچکەوە خواردووە.

کاریگەری و لێکەوتەکانی: لە ئەنجامی توێژینەوەکەدا دەرکەوتووە، جیاوازییەکی بەرچاو لە وەرگرتنی وزە لە نێوان ئەو دوو گرووپەدا هەیە، کۆمەڵەی یەکەم نمرەی بەرزیان بەدەستهێناوە لە زیادبوونی کێش و باڵادا، بەڵام کۆمەڵەی دووەم بە پێچەوانەوە.