پێنج وڵات هۆكاری سەرەکیی پیسبوونی ژینگەن

ژینگە
2024-07-13

شەیری بکە لە:

پێنج وڵات هۆكاری سەرەکیی پیسبوونی ژینگەن

ڕیزبەندی وڵاتانی پیسکەری ژینگە لەسەر نەخشە، سەرچاوە: greenmatch

ئاڤا نیوز

ژینگەی زەوی بەهۆی بەكارهێنانی ماددەی جیاواز و پێشێلكردنی ڕێنماییەكانەوە زیانێكی گەورەی پێگەشتووە، پێنج وڵات لە جیهاندا ڕۆڵی سەرەكییان لە پیسكردنیدا هەیە.

وێنە گەورەكە: بەهۆی پێشێلكردنی یاساكان و جێبەجێنەكردنی ڕێنماییەكان و خراپی كەشوهەوا و هەبوونی ژمارەیەکی زۆری كۆمپانیای گەورە، ژینگەی زەوی بەتەواوەتی تووشی پیسبوون بووە، ئەمەش كاریگەری گەورەی لەسەر تەندروستی مرۆڤ و ئاژەڵ و ڕووەكەكان دروست كردووە.

ئەوەی پێویستە بیزانیت: ئاژەنسی ئینسۆ پیدیا دەڵێت:” هەریەكە لە ئەمریكا، چین، هیندستان، ڕووسیا و ژاپۆن ڕۆڵی سەرەكییان لە پیسبوونی ژینگەدا هەیە، بەمشێوەیە:

چین؛ گەورەترین وڵاتی دەردەری گازی دووانەئۆكسیدی كاربۆنە بەهۆی سووتەمەنی بەردینەوە. 58٪ی كۆی خەڵكوزی بەردین لە چینە.

ئەمریكا؛ دووەم گەورەترین دروستكەری گازی دووانەئۆكسیدی كاربۆنە و ساڵانە 5 ملیار تۆن گاز دەردەدات.

هندستان؛ ساڵانە دەبێتە هۆی دروستبوونی نزیكەی 3 ملیار تۆن گازی دووانەئۆكسیدی كاربۆن.

ڕووسیا؛ ساڵانە نزیكەی دوو ملیار تۆن گازی دووانەئۆكسیدی هەیە.

ژاپۆن؛ ساڵانە زیاتر لە یەك ملیار تۆن گازی دووانەئۆكسید دەخاتە ژینگەوە.