لە 24 کاتژمێری ڕابردوودا 141 کەس لە غەززە کوژراون

ئاڤا نیوز

هێرشەکانی ئیسرائیل بۆ سەر کەرتی غەززە بەردەوامن و تادێت ژمارەی قوربانییەکان بەرزتر دەبێتەوە.

 

ڕاگەیێنراوی فەرمی: وەزارەتی تەندروستیی غەززە ڕایەگەیاند، لە ماوەی 24 کاتژمێری ڕابردوودا 141 کەس بە هۆی بۆردومان و هێرشەکانی ئیسرائیلەوە کوژراون.

 

زانیاریی زیاتر: کۆی گشتیی ژمارەی ئەو کەسانەی لە حەوتی ئۆکتۆبەرەوە کوژراون بۆ 38,584 کەس بەرز بووەتەوە و ژمارەی بریندارەکانیش گەیشتووەتە 88 هەزار و 881 کەس.

 

ئەوەی پێویستە بیزانیت: نزیکەی 100 کەس لە قوربانیانی 24 کاتژمێری ڕابردوو لە بۆردومانکردنی کەمپی ئاوارەکانی مەواسی لە ناوچەی خان یوونس بوون کە ئیسرائیل بە پێنج مووشەکی گەورە بۆردومانی کردن.