لە زۆربەی وڵاتانی جیهان ژنان لە پیاوان زیاتر دەژین

ئاڤا نیوز 

ئامارە تەندروستییە جیهانییەکان دەریدەخەن، تەمەنی ژنان لە زۆربەی وڵاتانی جیهان لە تەمەنی پیاوان زیاترە.

ئەوەی پێویستە بیزانیت: زۆر هۆکار هەن کە بەشداری دەکەن لەوەی کە تەمەنی ژنان لە پیاوان درێژتر بێت، وەک هۆکاری بایۆلۆژی، ڕەفتارە کۆمەڵایەتییەکان و  چاودێری بەردەوام لە باشتربوونی تەندروستی.

هۆکارە زانراوەکان: بە گشتی هۆکاری درێژی تەمەنی ژنان لەچاو پیاوان دەگەرێتەوە بۆ سێ هۆکار:

1-جیناتەکان:  تێکڕای تەمەنی ژنان زیاترە لە تەمەنی پیاوان،  ئەمەش دەگەڕێتەوە بۆ پێکهاتەی بۆماوەیی پیاوان و بە تایبەتیش بەهۆی ئەو ڕۆڵەی کە کرۆمۆسۆمەکانی دیاریکردنی ڕەگەز دەیگێڕن، خانمان دوو کرۆمۆسۆمی “XX”یان هەیە، پیاوان دوو کرۆمۆسۆمی “XY”یان هەیە، کرۆمۆسۆمی “X” چەندین جیناتی تێدایە کە یارمەتی مانەوەی زیاتر دەدەن.

2-ململانێ و هەڵسوکەوت: لەو شوێنانەی کە ململانێیان لێ دەکەوێتەوە، تێکڕای تەمەنی نێرەکان کورتترە بەهۆی مردن لە شەڕدا، هەروەها هۆکاری وەک جگەرەکێشان و خواردنەوەی کحول.

3-ژنان تەمەنیان درێژترە بەڵام تەندروستتر نین: زیاتر لە پیاوان تووشی نەخۆشی دەبن، هەروەها ژنانی تەمەنی نێوان 16 بۆ 60 ساڵ زیاتر سەردانی پزیشک دەکەن لە چاو پیاوانی هەمان تەمەندا.