حووسییەكان دەیان مووشەكی بالیستیان ئاراستەی ئیسرائیل كرد

ئاڤا نیوز 

 

حووسییەكانی یەمەن دەیان مووشەكی بالیستیان ئاراستەی ئیسرائیل كرد و سوپای ئیسرائیلیش دەڵێت، مووشەكەكان خراونەتە خوارەوە.

 

وێنە گەورەكە: ئێوارەی ڕۆژی شەممە 20-7-2024، سوپای ئیسرائیل شاری حودەیدییەی لە یەمەن كردە ئامانج و چەندین كۆگای چەكی حووسییەكانی بۆردومانكرد، بەیانی ڕۆژی یەكشەممە، حووسیەكان وەک وەڵامێک زیاتر لە 20 مووشەكیان ئاراستەی ئیسرائیل كرد.

 

لێدوانی فەرمی: حووسییەكان لە تۆڕی ئێكس ڕایانگەیاند: تۆڵەی هێرشەكەمان کردووەتەوە و ئیسرائیلمان بۆردومانكرد.

 

بۆچونی لایەنی بەرامبەر: سوپای ئیسرائیل لە تۆڕی ئێكس ڕایگەیاند: سەرجەم مووشەكەكان لەلایەن سیستمی بەرگرییەوە خراونەتە خوارەوە و هیچ زیانێکیان نەبووە.

 

ئەوەی پێویستە بیزانیت: ئیسرائیل لەگەڵ هەریەكە لە حەماس و حیزبوڵڵای لوبنان و حووسییەكان لە ئاڵۆزیدایە و جیهانیش هۆشداری شەڕێكی گەورە تر دەدات لە ناوچەكەدا.