ئەگەری داڕمانی دیناری عێراقی هاوشێوەی تومەنی ئێرانی هەیە

ئاڤا نیوز

 

لەکاتێکدا 103 ئەندامی پەرلەمانی عێراق واژۆیان کۆکردووەتەوە و داوا دەکەن هێزەکانی ئەمریکا لە عێراق بچنە دەرەوە، شارەزایان هۆشداری دەدەن لە ئەگەری دەرچوونی هێزەکانی ئەمریکا ئەگەری داڕمانی دیناری عێراقی هاوشێوەی تومەنی ئێرانی هەیە. 

 

لێدوانی فەرمی: کارۆخ خۆشناو، سەرۆکی ئینیستیوتی توێژینەوەی ئەمریکی – کوردی بە ئاڤا نیوز گوت: دەرکردنی هێزەکانی ئەمریکا لە عێراق پێچەوانەی ڕێککەوتنی ستراتیژی نێوان حکومەتی عێراق و هاوپەیمانانە، جێبەجێکردنی ئەو بڕیارە لەلایەن عێراق زیان بە ژێرخانی ئابووری، سیاسی، ئەمنی و سەربازی ئەو وڵاتە دەگەیێنێت، یەکێک لە لێکەوتەکان ئەگەری دروستبوونی شەڕی نێوخۆ لەنێوان شیعە و شیعە یان شیعە و سوننەیە. 

 

زیانە سەرەکییەکان: داڕمانی ژێرخانی ئابووریی عێراق یەکێکە لە مەترسییە پێشبینیکراوەکان، چونکە عێراق نەوت دەفرۆشێت پارەکەی دەکات بە دۆلار لە بانکی فیدراڵی ئەمریکا، واتە ئەگەر ئەمریکا دەست لە عێراق بەربدات ئابڵوقەی دارایی دەخاتە سەر، هاوشێوەی تومەنی ئێرانی دراوەکەی دادەڕمێت.