دوو بارمتەی ئیسرائیلی کوژراون و هەشتی دیکە بریندارن

ئاڤا نیوز

 

بەهۆی هێرشەکانی ئیسرائیلەوە بۆ سەر غەززە لە ماوەی چوار ڕۆژی ڕابردوودا دوو بارمتەی ئیسرائیلی "کوژراون و هەشتی دیکە بریندار بوون".

 

لێدوانی فەرمی: لە ڕاگەیێنراوێکدا حەماس ئاشکرای کرد:  "بە هۆی دەستڕانەگەیشتن بە چارەی پێویستەوە، بارودۆخی بریندارەکان تاوەکو دێت مەترسیدارتر دەبێت. ئیسرائیل بەهۆی بۆمببارانە بەردەوامەکانییەوە بەرپرسیاری سەرەکییە لە ژیانی ئەوانەی بریندارن".

 

لەلایەکی دیکەوە: سوپاسالار دانیال هەگاری، گوتەبێژی سەرەکیی سوپای ئیسرائیل، ڕۆژی سێشەممەی ڕابردوو ڕایگەیاند کە "بە کەسوکاری 31 دانە لە بارمتەکانمان ڕاگەیاندووە کە چیدیکە خۆشەویستەکانیان لە ژیاندا نەماون و بە مردوو لە قەڵەممان داون"؛ لەگەڵ ئەوەشدا هێشتا 136 بارمتە لە غەززە ماون".