بەشی ڕۆشنبیری و ڕاگەیاندنی پارتی وەڵامی مەکتەبی سیاسی یەکێتی دەداتەوە

ئاڤا نیوز

 

بەشی ڕۆشنبیری و ڕاگەیاندنی پارتی ڕایگەیاند، مەکتەبی سیاسی یەکێتی هەوڵیداوە کارەساتی نیشتمانی و نەتەوەیی شنگال بۆ مەرامی تەسکی سیاسی و حیزبی خۆی بقۆزێتەوە و ڕاستییەکان بشێوێنێت.

 

وێنە گەورەکە: ڕۆژی 3-8-2024، یادی 10 ساڵەی کارەساتی شنگال کرایەوە، مەکتەبی سیاسی یەکێتی نیشتمانی پەیامێکی بڵاوکردەوە و ئاماژەی بەوەدا، "ئێزدییەکان لەبەردەم تیرۆرستانی داعش بە تەنیا هێڵدرانەوە و هێزی پارتی ڕایکرد و کەمتەرخەم بوو، کەمترین دەرفەتی بۆ بەرەنگاریی و پارێزگاریی هێشتەوە".

 

ڕاگیێنراونی فەرمی: ڕۆژی 4-8-2024، بەشی ڕۆشنبیری و ڕاگەیاندنی پارتی بڵاویکردەوە: مەکتەبی سیاسی یەکێتی فرمێسکی تیمساحی بۆ کەسوکاری قوربانیانی کارەساتی شنگال ڕشتووە و هەوڵیداوە بۆ مەرامی سیاسی و حزبی خۆی، ئەو کارەساتە نیشتمانی و نەتەوەییە بیقۆزێتەوە و ڕاستییەکان بشێوێنێت.

 

زانیاریی زیاتر: ڕاگەیێنراوەکەی بەشی ڕۆشنبیری و ڕاگەیاندنی پارتی دەشڵێت، " ڕاستییەکان ناگۆڕێت، بەتایبەت ئەو موزایەدانە لەلایەن ناپاک و کاڵفامەکانەوە بێت".

 

ئەوەی پێویستە بیزانیت: پارتی لەگەڵ خەمی شنگال و ئاوێتەی ژان و ئازاری خوشک و براکانی بووە و دەمێنێتەوە.