یەکەم ترایلەری فیلمی 'کفن' بڵاودەکرێتەوە

ئاڤا نیوز

 

ترایلەری فیلمی کفن، کە یەکەم فیلمی کوردییە لە ژانری ترسناک بڵاو دەکرێتەوە، بڕیارە ناوەڕاستی کۆتایی ئەم مانگە لە سەرجەم سینەماکانی هەرێمی کوردستان و عێراق نمایش بکرێت.

 

وێنە گەورەکە: ڕێکەوتی 05-08-2024 یەکەم ترایلەری فیلمی کفن لە ژانری ترسناک بڵاو دەبێتەوە و بڕیارە لە 22ـی مانگی ئابدا لەسەر شاشەی سینەماکان فیلمەکە نمایش بکرێت. 

 

گۆشەیەکی دیکەی بابەتەکە: فیلمی کفن یەکەم فیلمی ترسناکە و لە هەرێمی کوردستان بەرهەم هێنراوە بە هاوبەشی میترۆنۆم پرۆداکشن و ئاڤا میدیا، فیلمەکە لە ژانری ترسناکە و بۆ یەکەمین جارە لە کوردستان فیلمێکی لەم جۆرە بەرهەم بهێنرێت.

 

زانیاریی زیاتر: فیلمی کفن لە دەرهێنانی سروشت عەبەڕەشە و لە بەرهەمهێنانی باهۆز نەسرەدینە، هەریەک لە ' چریکە عەبەڕەش، نزار سەلامی و کارۆ سەوز' نواندن دەکەن لە فیلمکەدا. 

 

ئەمەش بزانە: چیرۆکی فیلمی  کفن لە ڕووداوێکی ڕاستییەوە وەرگیراوە و باس لە کاریگەرییەکانی نووشتە و جادوو دەکات لەسەر ژیانی کۆمەڵایەتیی خێزانەکان.