بەهای بیتکۆین 13٪ بەرزدەبێتەوە

ئاڤا نیوز

دوای ئەوەی دوێنێ دووشەممە 5/8/2024، بازاڕی بیتکۆین 200 ملیار دۆلاری لەدەستدا، لە مامەڵەکانی ئەمڕۆیدا 143 ملیار دۆلار بەرزبووەوە. 

چیرۆکی سەرەکی: بەهای دراوی ئەلیکترۆنی بیتکۆین لە مامەڵەکانی ئەمڕۆیدا بە رێژەی 13٪ بەرزبووەوە، واتە دەستکەوتی ئەمڕۆی ئەو دراوە ئەلیکترۆنییە بە گشتی 143 ملیار دۆلار بوو.

وێنە گەورەکە: بەهای دراوە ئەلیکترۆنییەکان بە گشتی بەرزبوونەوەیان تۆمارکرد، لە دیارترینیان بازاڕی ئیسریۆم 16.2٪ بەرزبووەوە، لە کاتێکدا لە مامەڵەکانی دوێنێیدا 23.8٪ دابەزی. جگە لەوە دراوەکانی دیکەی وەک تیزەر، بی ئێن بی و سۆلانا و چەندین دراوی دیکە بەرزبوونەوە.

ئەوەی پێویستە بیزانیت: پێشبینی دەکرێت بەهای دراوی بیتکۆین تاوەکو کۆتایی ئەمساڵ بۆ 100 هەزار دۆلار بەرزبێتەوە، بە تایبەت دوای ئەوەی دۆناڵد ترەمپ بەربژێری کۆمارییەکان بۆ سەرۆکایەتی ئەمریکا پشتیوانی خۆی بۆ دراوە ئەلیکترۆنییەکان دووپاتکردەوە.