دوو هەزار و 500 پێشمەرگە لە سلێمانی و دهۆک بە هەژماری من هاوکاریی هاوپەیمانان وەردەگرن

ئاڤا نیوز 

 
بۆ یەکەمجار لە سلێمانی و دهۆک، هێزەکانی پێشمەرگە لەڕێگەی هەژماری منەوە هاوکاریی هاوپەیمانان وەردەگرن.

 

وێنە گەورەکە: پێشنیوەڕۆی ئەمڕۆ پێنجشەممە 08-08-2024 هاوکاری مانگی حەوتی هاوپەیمانان بەسەر لیوا هاوبەشەکان، هێزی پشتیوانی دوو و بەڕێوەبەرایەتیی ژمێریاری لە وەزارەتی پێشمەرگە دابەش دەکرێت و بەشێکیان لەڕێگەی هەژماری من هاوکارییەکە وەردەگرن.

 

زانیاریی تایبەت: تیمی هەژماری من بە ئاڤا نیوزی گوت، "11 هەزار پێشمەرگە بۆ ئەم مانگە بە هەژماری من ئەو هاوکارییەکە وەردەگرن، هەشت هەزار و 500 هەولێر، هەزار و 500 پێشمەرگە لە سلێمانی و نزیکەی هەزار پێشمەرگەش لە سنووری پارێزگای دهۆکن".

 

ئەوەی پێویستە بیزانیت: مانگی ڕابردوو تەنیا لە سنووری هەولێر، حەوت هەزار پێشمەرگە لە ڕێگەی هەژماری من لەو مووچە و هاوکارییەکانیان سوودمەند بوون.