ترەمپ و هاریس دیبەیت دەکەن

ئاڤا نیوز

 

دۆناڵد ترەمپ و کامالا هاریس، بەربژێرەکانی کۆماری و دیموکراتی ئەمریکا بۆ هەڵبژاردنەکانی سەرۆکایەتی لەسەر ئەنجامدانی دیبەیتێکی تەلەڤیزیۆنی ڕێککەوتوون.

 

وێنە گەورەکە: تۆڕی هەواڵیی ئەی بی سیی ئەمریکی ڕایگەیاندووە، دیبەیتەکە ڕۆژی 10ـی سێپتەمبەری ئەمساڵ بەڕێوەدەچێت و دەبێتە یەکەم دیبەیتی نێوان ترەمپ و هاریس. 

 

زانیاریی زیاتر: پێشتر ترەمپ لەگەڵ بایدن، بەربژێری پێشووی دیموکراتەکان، دیبەیتێکی ئەنجام دا کە بە گوێرەی ڕاپرسییەکان ترەمپ تیایدا سەرکەوتوو بوو. 

 

ئەوەی پێشبینی دەکرێت: جگە لەم دیبەیتە، چاوەڕێ دەکرێت ترەمپ و هاریس دوو دیبەیتی دیکەش ئەنجام بدەن.

 

ئەوەی پێویستە بیزانیت: ڕۆژی 5-11-2024 هەڵبژاردنی سەرۆکایەتیی ئەمریکا بەڕێوە دەچێت.