حەشارگەیەکی داعش لە قەرەداغ دەدۆزرێتەوە

ئاڤا نیوز

 

گوتەبێژی ئاسایشی سلێمانی ڕایگەیاند، حەشارگەیەکی داعش لەشێوەی توونێل و ئەشکەوت دۆزراوەتەوە.

 

چی ڕوویدا: ڕۆژی 9-8-2024، ژمارەیەک چەكدار لە قەرەداغ سەرقاڵی دەرهێنانی شوێنەوار بوون، تەقەیان لە مەفرەزەیەكی ئاسایش كرد و دوو كارمەندیان شەهید کرد. 

 

زانیاریی زیاتر: لیژنەیەکی لێکۆڵینەوە لە هێزەکانی کۆماندۆ و ئاسایش و دژەتیرۆر بۆ لێکۆڵینەوە لە ڕووداوەکە پێکهێنرا، بەگوێرەی زانیارییە سەرەتاییەکان زانراوە کە چەکدارەکان سەربە ڕێکخراوی داعشن.

 

لێدوانی فەرمی: عەقید سەلام، گوتەبێژی ئاسایشی سلێمانی بە ئاڤا نیوزی گوت: حەشارگەیەکی داعش لە شێوەی تونێل و ئەشکەوت دۆزراوەتەوە، بەڵام تونێلێکی دوور و درێژ نییە.

 

لەلایەکی دیکەوە: ژیوار عەبدولڕەحمان، پەیامنێری ئاڤا گوتی: بۆ دۆزینەوەی بکەرانی شەهیدکردنی هەردوو كارمەندەکەی ئاسایش، هێزە ئەمنییەکانی سلێمانی لە سنووری قەرەداغ کێوماڵ دەکەن، توونێلێکی هاوشێوەی خانوو پڕ لە کەلوپەلی سەربازی و خواردن دۆزاوەتەوە.

 

ئەوەی پێویستە بیزانیت: حەشارگەکەی داعش لە قۆپییەکانی قەرەداغ دۆزراوەتەوە، کە دەکەوێتە باشووری  ڕۆژئاوای قەرەدا‌غ.