بەرهەمە کشتوکاڵییەکانی کوردستان لە فەڕەنسا بەبازاڕ دەکرێن

ئاڤا نیوز

مانگی داهاتوو کۆنفرانسێکی ئابووری، بازرگانی و پیشەسازیی هاوبەش لە نێوان حکومەتی فەرەنسا و  حکومەتی هەرێمی کوردستان لە پاریس ڕێکدەخرێت، هەر لە پاریس مانگی 10 هەرێمی کوردستان بەشداری لە پێشانگەی بازاڕی جیهانیی خۆراک دەکات.

 

چیرۆکی سەرەکی: بە بەشداری نزیکەی پەنجا کۆمپانیا و وەبەرهێن و بازرگانی هەرێمی کوردستان، بڕیارە 23ی مانگی داهاتوو کۆنفراسێکی  ئابووری، بازرگانی و پیشەسازیی هاوبەش لە پاریس ڕێکبخرێت و ماوەی دوو ڕۆژ بەردەوام دەبێت،  هاوکات ڕێککەوتن لەگەڵ کۆمەڵەی خاوەنکارانی فەڕەنسی (MEDEF) دەکرێت.

 

لەلایەکی دیکەوە: حکومەتی هەرێمی کوردستان لە ڕۆژانی 19 تاوەکو 23 - 10 بەشداری لە پێشانگەی بازاڕی جیهانیی خۆراک(SIAL) لە پاریس دەکات، کۆمەڵێک بەرهەمی کشتوکاڵی خۆماڵی وەکو پەتاتە، برنج، هەنگوین و هەنار..هیتد نمایش دەکات و لەم ڕێگەیەوە بەبازاڕی جیهانیان دەناسێنێت.

ئەمەش بزانە: بازاڕی جیهانی خۆراک (SIAL) پێشانگەیەکی بازرگانییە،  دوو ساڵ جارێک ڕێکدەخرێت و تایبەتە بە پیشەسازی بەروبوومی خۆراک، ئەم پێشانگایە بۆ یەکەمجار لە ساڵی 1964 لە پاریس ڕێکخرا.