عەبدولخالق تەڵعەت: تاوەکو ئێستا لیوا هاوبەشەکان پڕچەک نەکراون

ئاڤا نیوز

 

وێڕای ئەوەی بڕیارە تاوەکو کۆتایی ئەمساڵ دوو لیوا هاوبەشەکە بەسەر ئەو شوێنانەی بۆیان دیاری کراوە دابەش بکرێن، بەڵام تاوەکو ئێستا پڕچەک نەکراون. 

 

وێنە گەورەکە: لە ساڵی 2021 عێراق و هەرێمی کوردستان بڕیاری دامەزراندنی دوو لیوای هاوبەشیان بە هاوکاری هێزەکانی هاوپەیمانان دا، تاوەکو لەو شوێنانەی بۆشایی ئەمنیان هەیە جێگیر بکرێن.

 

لێدوانی فەرمی: عەبدولخالق تەڵعەت، بە ئاڤا نیوزی گوت: تاوەکو کۆتایی ئەمساڵ لیوا هاوبەشەکان بەسەر ئەو شوێنانەی بۆیان دیاریکراوە دابەش دەکرێن، بەپێی پلانەکە لە زاخۆ تاوەکو خانەقین بەدرێژایی 540 کیلۆمەتر لەو ناوچانەی بۆشایی ئەمنیان هەیە جێگیر دەکرێن.

 

زانیاریی زیاتر: دوو لیوا هاوبەشەکە لە سێ هەزار کەس پێکدێن و میلاکی لیواکان لەسەر وەزارەتی بەرگریی عێراقە.

 

لەلایەکی دیکەوە: لەگەڵ ئەمریکییەکان و هێزەکانی هاوپەیمانان کۆبوونەوە کراوە و داوای پڕچەککردنی لیوا هاوبەشەکان کراوە، بەڵام لەبەر ئەو دۆخەی لە ناوچەکە هاتووەتە ئاراوە ئەم بابەتە دواکەوتووە.