لە غەززە 692 سەرباز و فەرماندەی ئیسرائیل کوژراون

ئاڤا نیوز

سوپای ئیسرائیل کوژرانی دوو ئەفسەری دیکەی لە ماوەی 24 کاتژمێری ڕابردوودا لە شەڕێکدا لە ناوەڕاستی کەرتی غەززە ڕاگەیاند، بەمەش کۆی گشتی کوژراوانی گەیشتە 692 سەرباز و فەرماندە.

وێنە گەورەکە: سەرەڕای هەوڵی وڵاتان بۆ نێوەندگیری، ماوەی  10 مانگە شەڕ لە کەرتی غەززە لە نێوان حەماس و ئیسرائیلدا بەردەوامە، بەرامبەر بە کوژرانی 692 سەربازی ئیسرائیلی، زیاتر لە 40 هەزار هاووڵاتی غەززە گیانیان لەدەست داوە.

ڕاگەیێنراوی فەرمی: سوپای ئیسرائیل ڕایگەیاند، ڕائیدی یەدەگ مردخای یوسف بن شاوام، شۆفێری بارهەڵگری قورس  لە شەڕێکدا لە ناوەڕاستی کەرتی غەززە کوژراوە، هاوکات ڕائیدێکی تری یەدەگ بە ناوی یۆتام ئیتزاک پێلێد بەهۆی تەقینەوەی بۆمبێک لە ناوەڕاستی غەززە کوژراوە.

باکگرواند: لە سەرەتای دەستپێکردنی شەڕی کەرتی غەززە تا ئێستا 692 ئەفسەر و سەربازی ئیسرائیلی کوژراون، کوژرانی 332 کەسیان لە سەرەتای دەستپێکردنی هێرشی زەمینی حەماس بووە بۆ سەر غەززە لە کۆتاییەکانی ئۆکتۆبەری ساڵی ڕابردوو.