گەندەڵییەکی هەشت ملیار دیناری لە کەرکووک ئاشکرا دەکرێت

ئاڤا نیوز

دەستەی دەستپاکیی عێراق دۆسیەیەکی گەندەڵی بە بڕی نزیکەی هەشت ملیار دینار لە کەرتی کارەبا لە کەرکووک ئاشکرا دەکات.

وێنە گەورەکە: گەندەڵی لە دامودەزگا حکومییەکانی عێراق بووەتە دیاردە، زۆربەی کەرتەکانی گرتووەتەوە لەوانە کەرتی کارەبا، کە لە ساڵانی ڕابردوودا زیاتر لە 80 ملیار دۆلار بۆ چارەسەری کێشەی کارەبا خەرجکراوە، بەڵام تاوەکو ئێستا کێشەکە چارەسەر نەکراوە.

ڕاگەیێنراوی فەرمی: دەستەی دەستپاکیی عێراق ڕایگەیاندووە، بە بڕی حەوت ملیار و 630 ملیۆن دینار گەندەڵی لە پرۆژەی جێبەجێکردنی هێڵی کارەبا لە کەرکووک کراوە.

زانیاریی زیاتر: گەندەڵییەکە لە دابینکردنی کەلوپەلی هێڵی کارەبا کراوە، بەڕێوەبەری بەشی وردبینی و ئەندامی دارایی لیژنەی ناوەندی بۆ پێداچوونەوە و پەسەندنکردنی پرۆژەکان لە دیوانی پارێزگای کەرکووک، پرۆژەکەی بە کۆمپانیایەک دابوو کە مەرجەکانی ڕێژەی داهاتی دارایی نەبووە.