داواکارییە نوێیەکانی ئیسرائیل کێشەیان بۆ ئاگربەستی غەززە دروستکردووە

ئاڤا نیوز

هێشتا ئیسرائیل و حەماس لە گەیشتن بە ڕێککەوتنێک سەبارەت بە ئاگربەستی غەززە و بەردانی بارمتەکان دوورن. داواکارییە نویێەکانی ئیسرائیل ئاگربەستی ئاستەم کردووە. 

وێنە گەورەکە: گەڕێکی دیکە لە دانوستانەکان لە قاهیرەی پایتەختی میسر بەڕێوەدەچێت. لە گفتوگۆکانی ئەم گەڕەدا هەریەکە لە بەرپرسانی دەزگای هەواڵگریی مۆساد و ئاژانسی ئاسایشی ناوخۆیی ئیسرائیل ڕاستەخۆ بەشدار بوون.

زانیاریی بەدەستهاتوو: دوای ڕازیبوونی سەرەتایی حەماس بە یەکێک لە پڕۆژەکانی ئەمریکا بۆ ئاگربەست کە مانگی ئایار لەلایەن جۆ بایدن سەرۆكی ئەمریكاوە پێشکەش کراوە، ئیسرائیل داوایکردووە لە دوای ئاگربەستیش سەربازەکانی ئیسرائیل هەر لە سنوورەکانی غەززە بمێننەوە، حەماسیش بەمە ڕازی نەبووە. 

ئەوەی پێویستە بیزانیت: هاوکات لەگەڵ بەڕێوەچوونی گفتوگۆکان، هێرشەکانی ئیسرائیل بۆ سەر کەرتی غەززە بەردەوامن، تا ئێستا زیاتر لە 40 هەزار فەلەستینی کوژراون.