لە کەرکووک شکست بە "پیلانێکی تیرۆریستی" دەهێنرێت

ئاڤا نیوز

هێزە ئەمنییەکان لە پارێزگای کەرکووک شکست بە "پیلانێکی تیرۆریستی" دەهێنن کە ئامانجیان هێرشکردن بووە بۆ سەر قائیمقامیەتی پارێزگاکە.

زانیاریی بەدەستهاتوو: سەرچاوەیەک لە پۆلیسی عێراق بە میدیای عێراقی ڕاگەیاند: سەرلەبەیانی ئەمڕۆ هێزێکی هاوبەش کە پێکهاتبوو لە دەزگای ئاسایشی نیشتمانی و پۆلیسی خۆجێیی و دەزگای بەرەنگاربوونەوەی تیرۆر لە سلێمانی، ئۆپەراسیۆنێکی پێشوەختەیان ئەنجامدا لە گەڕەکی “سیکانیان” لە باکوری شاری کەرکووک، لە دژی ئامانجێکی تیرۆریستی.

زانیاریی زیاتر: لەکاتی جێبەجێکردنی ئەرکەکەیاندا، پێکدادانی چەکداری بە ئامانجی "زۆر مەترسیدار" ڕوویداوە، کە ژمارەیەک لەوانەی داواکراو بوون بەپێی ماددەی چواری یاسای دژەتیرۆر، یەکێک لە داواکراوەکان لەکاتی پێکدادانەکاندا خۆی کوشتووە، لەکاتێکدا هێزەکە کەسێکی دیکەی دەستگیرکردووە، سێیەمیشیان بەرەو شوێنێکی نادیار هەڵاتووە.

لەلایەکی دیکە: بەگوێرەی ئەو سەرچاوەیە، دوو ئەفسەر لە هێزە ئەمنییەکان بریندار بوون، ئەرکەکە ئۆپەراسیۆنێکی پێشوەختە بووە و لەڕێگەیەوە هێزە ئەمنییەکان توانیویانە ئۆپەراسیۆنێکی تیرۆریستی پلان بۆ داڕێژراوی چەند داواکراوێک پووچەڵ بکەنەوە، ویستوویانە لەناو قایمقامیەت ئەنجامی بدەن.