ئەڵمانیا کەسێک بە تۆمەتی پلاندانان بۆ هێرشکردن دەستگیر دەکات

ئاڤا نیوز

 

ئەڵمانیا دەستگیرکردنی کەسێکی بە تۆمەتی پلاندانان بۆ هێرشکردنە سەر سەربازەکانی لە ناوخۆی وڵاتەکەی ڕاگەیاند.

 

ڕاگەیێنراوی فەرمی: داواکاری گشتیی ئەڵمانیا ڕایگەیاند پیاوێکی 27 ساڵانی خەڵکی سووریایان دەستگیرکردووە بە تۆمەتی ئەوەی کە پلانی هەبووە لە کاتی پشووی نانی نیوەڕۆیاندا بە دوو قەمە [چەقۆی گەورە] هێرش بکاتە سەر سەربازانی سوپای ئەڵمانیا لە میونشن و "ئەوەندەی بتوانێت لێیان بکوژێت". 

 

زانیاریی زیاتر: داواکاری گشتی ئەوەشی گوتووە ئەگەری هەیە پاڵنەری "بیروباوەڕی ئیسلامییانە" لە پشت پلانی هێرشەکەوە بووبێت. 

 

باکگراوند: لە ماوەی چەند مانگی ڕابردوودا لە ئەڵمانیا چەند هێرشێک بە چەقۆ ئەنجام دراون و قوربانیان لێکەوتووەتەوە.