زیاتر لە 100 كەس لە لایەنگرانی ناڤالنی دەستگیركران

ئاڤا نیوز

پۆلیسی ڕووسیا زیاتر لە 100 كەسی دەستگیركردووە كە بۆ دەربڕینی ماتەمینی بە هۆی گیانلەدەستدانی ئەلێكسی ناڤالنی، سەركردەی دیاری ئۆپۆزیسیۆنی ڕووسیا، لە شارە جیاوازەكانی رووسیا گردبوونەوەیان ئەنجامداوە. 

چیرۆكی سەرەكیی: ژمارەیەك كەس بە دانانی گوڵ و گردبوونەوە لایەنگریی خۆیانیان بۆ ناڤالنی نیشان دا.  پۆلیسی ڕووسیا هەوڵی پەرتەوازەكردنی دان و تەنیا لە رۆژی 17ی شوبات، 101 كەسی لە 10 شاری جیاواز دەستگیر كرد. بەشی زۆری دەستگیركراوەكان، 64 كەسیان، لە شاری سانتپترسبۆرگ بوون و 11 كەسیشیان لە مۆسكۆی پایتەختن.

باكگراوند:  ناڤالنی، تەمەن 47 ساڵ، ڕەخنەگرێكی دیاری سیاسەتەكانی كريملین بوو. ئەو بە 19 ساڵ بەندكردن سزادرا بوو و لە بەندیخانەیەكی جەمسەری باكوور بەند كرابوو. بەرپرسانی بەندیخانەكانی رووسیا مردنی لەناكاوی ناڤالنيیان ڕاگەیاند. ئەمە گومان و ناڕەزایی زۆری لە ناوخۆ و لە دەرەوەی ڕووسیا لێكەوتەوە.