وشکەساڵی و ئاگرکەوتنەوەی بەردەوام هەڕەشە لە قاوەی بەرازیل دەکەن

ئاڤا نیوز

 

ساڵانە بەهۆی بەرزبوونەوەی پلەی گەرما، وشکەساڵی و ئاگرکەوتنەوەی بەردەوام هەڕەشن لەسەر دارستانەکانی بەرازیل

 

وێنە گەورەکە: وشکەساڵی و ئاگرکەوتنەوە زیانی زۆری بە  بەرهەمی قاوەی بەرازیل گەیاندووە، تاوەکو ئێستا بە لایەنی کەمەوە زیاتر لە 600 هێکتار زەوی بە قاوە داچێنراو سووتاوە و لەناوچوون.

 

ئەوەی پێویستە بیزانیت: بەهۆی ئەوەی وڵاتەکە گەورەترین بەرهەمهێنەری قاوەیە لەسەر ئاستی جیهاندا، پێشبینی دەکرێت وشکەساڵی و سووتانی بەرهەمی قاوەی ئەمساڵی بەرازیل کاریگەری هەبێت لە بەرزکردنەوەی نرخی قاوە لە تەواوی جیهاندا بە ڕێژەی زیاتر لە 55% بەراورد بە نرخی پێشووی.