حکومەتی عێراق کورتهێنانی مووچەی مانگی هەشت پڕدەکاتەوە

ئاڤا نیوز

وەزارەتی دارایی و ئابووری ڕایدەگەیێنێت، وەزارەتی دارایی عێراق کورتهێنانی مووچەی مانگی هەشت پڕدەکاتەوە کە بڕەکەی 243 ملیار دینارە.

 

ڕاگەیێنراوی فەرمی: وەزارەتی دارایی و ئابووریی هەرێمی کوردستان ڕایگەیاند: ڕوونکردنەوە و زانیاریی پێویست لەسەر ئەو لێبڕینانەی لە مانگی دوو تا مانگی هەشت لە لیستی مووچەی فەرمانبەرانی هەرێم بە بیانووی جیاواز ڕاگیرابوون {کە بڕەکەی 243 ملیار دینارە}، بە داتا و زانیاری دروست و نووسراوی فەرمی پێشکەش بە فەرمانگە پەیوەندیدارەکان لە وەزارەتی دارایی حکومەتی فیدراڵ کراوە و،  بڕیارە هەفتەی داهاتوو سەرجەم ئەو لێبڕینانە خەرج بکرێت. 

 

ئەوەی پێویستە بیزانیت: بڕیارە ڕۆژی هەینی 4-10-2024 دەست بە دابەشکردنی مووچەی هەشت بکرێت و لە چەند ڕۆژێکدا سەرجەم مووچەخۆران مووچە وەربگرن، دواتر دەست بە دابەشکردنی مووچەی مانگی نۆ دەکرێت کە بڕی 598 ملیار دینار لەلایەن بەغدا وەک گوژمەی یەکەم نێردراوە.

باکگراوند: حکومەتی هەرێمی کوردستان بۆ مووچەی مانگی هەشت پێویستی بە 998 ملیار دینارە، پێشتر وەزارەتی دارایی عێراق بڕی 755 ملیار دیناری ناردبوو، واتە بڕی 243 ملیار دینار کورتهێنان هەیە.