لیوا هاوبەشەکان مووچەیەک و هاوکاریی هاوپەیمانان بەیەکەوە وەردەگرن

ئاڤا نیوز

هاوکاریی دارایی  مانگی نۆی هاوپەیمانان بۆ بانکەکان نێردراوە و ئەمڕۆ سێشەممە لەگەڵ مووچەی مانگی هەشت دابەش دەکرێت، هاوکات 19 هەزار پێشمەرگە لەڕێگەی هەژماری من هاوکارییەکە وەردەگرن.

وێنە گەورەکە: بڕی هاوکاریی مانگی نۆی هاوپەیمانان بۆ هەر پێشمەرگەیەک 407 هەزار و 69 دینارە، بەسەر نزیکەی 50 هەزار پێشمەرگەدا دابەش دەکرێت.

ئەوەی پێویستە بیزانیت: ڕۆژی سێشەممە 08-10-2024، وەزارەتی پێشمەرگە (دیوان و لیواکان)، مووچە وەردەگرن لەگەڵ ئەوەش هاوکاریی مانگانەی هاوپەیمانان بەسەر پێشمەرگە دابەش دەکرێت.

زانیاریی تایبەت: سەرچاوەیەک لە وەزارەتی پێشمەرگە بە ئاڤا نیوزی گوت: "هاوکاری دارایی هاوپەیمان بۆ لیوا هاوبەشەکان لەگەڵ مووچەی مانگی هەشت هاوکات کراوە، ئەمڕۆ سێشەممە  مووچەی مانگی هەشت و هاوکاری دارایی هاوپەیمانان بۆ مانگی نۆ بەیەکەوە وەردەگرن."